नयाँ प्रकृतिको लागुऔषध विराटनगरबाट बरामद, एकजना व्यवसायी पक्राउ

द नेपाल खबर डेस्क

प्रकाशित :  बुध, सावन १४, २०७७ अपराध

SHARE 739


प्रदेश १


१४ साउन, विराटनगर । विश्व बजारमा महंगो र खतरनाक मानिएको मेथामफेटामाइन आइस लागुऔषधसहित मोरङ प्रहरीले एक जनालाई पक्राउ गरेको छ ।


मंगलबार साँझ आधा किलो मेथामफेटामाइन आइससहित मोरङको सुन्दरहरैंचा नगरपालिका–८ सलकपुरका ४२ वर्षीय रामप्रसाद पोखरेललाई पक्राउ गरेको हो । पोखरेल व्यावसायी हुन् ।



विराटनगर बरगाछीबाट पक्राउ परेका पोखरेलको साथबाट २ सय २२ ग्राम मेथान्टामाइन बरामद भएको थियो । अनुसन्धानका क्रममा घरमा पनि लुकाएको पाइएपछि प्रहरीले थप पाँच सय ३० ग्राम बरामद गरेको हो । लागुऔषध नियन्त्रण ब्युरो विराटनगर र जिल्ला प्रहरी कार्यालय मोरङको टोलीले लागूऔषध बरामद गरेको थियो ।


मेथामफेटामाइनलाई नयाँ प्रकृतिको खतरनाक लागुऔषध मानिने प्रहरीले जनाएको छ ।
प्रहरीका अनुसार विश्वको महंगो सूचीमा पर्ने लागुऔषध मोरङमा बरामद भएको पहिलो घटना हो ।

हाइप्रोफाइल ड्रग्सको रुपमा परिचित यो लागूऔषध प्रदेश १ मा पहिलो पटक बरामद भएको प्रदेश प्रहरी कार्यालय विराटनगरका प्रवक्ता प्रहरी उपरीक्षक दीपक पोखरेलले जानकारी दिए ।


‘काठमाडौंमा १–२ पटक यो लागुऔषध बरामद भएको छ,’ उनले भने ‘पूर्वमा पहिलो पटक हो ।


उनका अनुसार पक्राउ परेका पोखरेलमाथि अनुसन्धान भइरहेको छ । विषेश सूचनाका आधारमा विराटनगरबाट पक्राउ परेका पोखरेलले नेटवर्क बनाएर लागुऔषधको कारोबार थालेको हुन सक्ने प्रहरीको अनुमान छ ।



Tags :

फेसबुकबाट तपाईको प्रतिक्रिया

ताजा अपडेट